പുതുപ്പള്ളി പള്ളിയിലെ പെരുന്നാളിനോടനുബന്ധിച്ചു വെച്ചൂട്ടിനുള്ള മാങ്ങാ അരിച്ചിൽ ഇന്നു നടത്തും. വെച്ചൂട്ട് നേർച്ചയ്ക്കു മാങ്ങാ അച്ചാർ തയാറാക്കൽ ഇടവക ജനങ്ങൾ ഭക്ത്യാദരപൂർവമാണ് നടത്തുക. നഗരസഭ അധ്യക്ഷ ഡോ. പി.ആർ.സോന ഇന്നു രാവിലെ ഒൻപതിനു മാങ്ങാ അരിച്ചിലിന്റെ ഉദ്ഘാടനം നിർവഹിക്കും. നേർച്ചയായി മാങ്ങാ എത്തിച്ചു മാങ്ങാ അരിച്ചിലിൽ പങ്കെടുക്കുന്നവരുമുണ്ട്. ഇന്നു മുതൽ വചനപ്രഘോഷണങ്ങളും ആരംഭിക്കും. ഇന്നു വൈകിട്ടു 6.30നു മത്തായി ഇടയാനാൽ കോറെപ്പിസ്ക്കോപ്പയും നാളെ ഫാ. ടൈറ്റസ് ജോൺ തലവൂരും വചനപ്രഘോഷണം നടത്തും.
∙പുതുപ്പള്ളി പളളിയിൽ ഇന്ന്
- പ്രഭാതനമസ്കാരം – 7.00
- കുർബാന– ഫാ. വർഗീസ് ഉമ്മൻ തിരുവല്ല– 7.30
- മാങ്ങാ അരിച്ചിൽ– 9.00
- സന്ധ്യാനമസ്ക്കാരം – 5.30
- ഗാനശുശ്രൂഷ– 6.15
- വചനപ്രഘോഷണം– മത്തായി ഇടയാനാൽ കോറെപ്പിസ്കോപ്പ – 6.30
- മധ്യസ്ഥപ്രാർഥന– 7.30
